صينية البطاطس المتبل بالدجاج والكريمة


من أسهل الطرق والذها .. البطاطس مع الدجاج يعجب الجميع ولكن بطريقه سهله وغير معتاده
يمكن تقديمها مع الخبز العربي او مع الأرز الأبيض .. ولكني اجد الخبز أفضل بكثير من الأرز
مكونها الأساسي البطاطس والدجاج .. يتم تتبيل الدجاج بتتبيله حااره وهذا مايزيد لذتها .

خفيفة وقليلة الدهون بصفة عامه .. تطهى بالشوي وهذا مايجعلها ذات تقبل من الجميع

يمكن استخدام دجاج الشيش طاووق المتبل الجاهز سواء المبرد او المجمد بالتتبيله
ولكن ارى افضل استخدام صدور الدجاج المبرده وتتبيلها بطريقتنا ولكن تستغرق وقت اطول من المبرده

المقادير :

بطاطس متبل مجمد ( جوانح البطاطس )

صدور دجاج مبرده
3 بصل كبير ابيض

الصوص :
كوب كريمة خفق
كوب جبن تشدر مبشور
ملح

تتبيلة الدجاج :
ملح ، فلفل ، ملعقة كبيره صلصة طماطم
ربع كوب شطة حاره ، ربع كوب خل تفاح
ربع ملعقة اوريغانو او زعتر بري
3 فص ثوم مدقوق
3 ملاعق كتشب

هذه التتبيله لكمية 4 صدور صغيره

الطريقة

تقطع صدور الدجاج الى مكعبات بحوالي 3سم ×3سم وتتبل بالتتبيله حسب كمية الصدور
للملح والفلفل .. ايضا مع باقي مكونات التتبيلة وتترك حوالي نصف ساعه بالبراد

نشعل الفرن على حرارة متوسطة

يفضل استخدام صينية واسعه جدا مع الكمية حتى لا تنضغط المقادير وتتحول لنكهة السلق بدلا من الشواء

نقطع البصل شرائح سميكه وتصف بقاع الصينية بالكامل
(نستخدم البصل الابيض .. لحلاوة طعمة وسرعه ذوبانه .. اذا استخدمنا البصل الاحمر يفضل تقطيعة شرائح رقيقة اكثر . )

نضع قطع الدجاج اعلى الشرائح

نغطي كميةالدجاج بجوانح البطاطس المتبلة

نخلط الصوص ونضعه اعلى البطاطس

نغطي الصينية بورق القصدير ونضعها في الفرن

نتركها حوالي ساعة كاملة
ثم نرفع الغطاء القصدير ونتركها تتحمر من الاعلى اذا احتاج الامر

في بعض الاحيان لا تحتاج كثيرا وخاصة اذا كان الدجاج متبل الخاص بالشيش طاووق لانها تكون قليلة السوائل وتنشوي الشرائح قبل نزع القصدير

تقدم في الحال ..

enjoy!

🙂

27 thoughts on “صينية البطاطس المتبل بالدجاج والكريمة

  1. واااااااااااااااااااااااااااااااو
    شكلها روعه وما فيها مقالي هذا اهم شي
    لكن ما تتوقعين ان ساعه كثيره
    وابغى اسال النتيجه النهائيه تكون ناشفه او فيها صوص تحت ؟

    • اهلين اختي ….

      ابدا مو كثير وانا دايم اخليها ساعه ونص بفرن متوسط الحراره لاني اشوفها اكثر لذه مع طول الوقت
      والسبب لان البطاطس يذووب اكثر واكثر بس من داخل التتبيله

      اذا خليتها من نصف ساعه الى ساعه صار طعمها عادي دجاج مع بطاطس مسلوق
      كل ماتطول بالفرن تتمااازج المكونات وتكووون افضل بكثير ..

      كنت مره مستعجله ومعاي ضيوف وماطولت عليها بالفرن مجرد مانضج الدجاج شعلت اللي فوق والطعم صارت عاديه جدا جدا وبالعكس احنا اهل البيت اللي عارفين طعمها ماكلناها .

      نتيجتها النهائية بصوص ثقيل والدجاج ذايب مع انه صدور بس متمازج مع النكهه ونكهة تتبيله البطاطس

      وبالعافيه 🙂

  2. السلام عليكم
    كيفك ليلى
    عملت الصينيه وطلعت روعه الله يعطيك العافيه
    بس المره الجايه ان شاء الله راح اخلي البصل جوانح قد الاكل لانه غلبنا في الاكل ههههههههه

    • وعليكم السلام ورحمة الله

      اهلين وسهلين اختي

      وبالعافيه عليكم
      احتمال تكوني مو مستخدمه بصل ابيض فيها لان الاحمر يطول مايذوب فيها
      غير كذا الفتره الطويله بالفرن تخليه يتقطع بسرررعه وذايب بين البطاطس ماتحسين فيه

      اهم شي عجبتكم وبالعافيه عليكم

      حيااك 🙂

  3. جربتها أمس، أووف لذييييذة على الرغم إن ما ضبطت معاي درجة الحرارة و لا وقت الطبخ، زودت درجة الحرارة حبتين و خليتها ساعة و نص بدال ساعة

    • اهلين اختي ياسمين
      بالعااافيه على الجميع
      فعلا الاعتماد على النظر والخبره مع فرنك وطريقتك معاه تكون اضبط لك واتقن …

  4. جربت الصينيه اليوم وكانت لذيذه جدا التتبيله
    لكن صار معاي شي غلط
    ماادري ليش الكريمه كانت كثيره عندي رغم اني حطيت كوب مثل ما ذكرتي كانت كثيره و خربت علي شكل الصينيه اختلطت مع خلطة الدجاج وسو لون مو حلو , طبعا طعمتها عجبتني وان شاء الله ناويه اكررها
    السؤال /
    يوم اكررها ان شاء الله وش اسوي عشان اتفادي هذا الخطاء ؟! لان انتي اكيد عارفه الشكل ياثر كثير ع الطعم ..

    • اهلين اختي

      بالعافية 

      خطأك اختي الصينية صغيره اكثر من اللازم …
      المفروض البصل وبعده الدجاج وبعده البطاطس وتشوفين كل الطبقات يعني البصل والدجاج وانتي حاطه البطاطس . كل ماصارت الصينية اكبر كل ماانشوت البطاطس والدجاج كل حبه لحالها والصلصه تتوزع صح .. واذا صارت كثيره محتوياتها والصينيه صغيره تعجنت البطاطس وانسلقت الدجاج اكثر من انها تتحمر كل حبه لحالها ..

      انشالله وصلت المعلومه …

      وعوافي عليك ..

  5. واو ماشاءالله
    شو هيدا , يخزي العييين
    راح اجربها ان شاءالله .. وحابه اسألك عادي انقلها مدومني او منتدى آخر !!

  6. ما شاء الله تسلم الأيادي صج شي عجيب الطريقة سهلة والمقادير متوفره يعطيج العافية ومشكوره حبيبتي إن شاء الله أسويها وإن شاء الله تضبط

  7. اختي ليلى جزاك الله خير
    جربت هذه الصينيه 3 مرات وكل مرة تطلع روعه بفضل دقة شرحك للتفاصيل
    فشكرا لك
    هذه المرة حابه اعملها بقطع دجاج بالعظم وبنفس الطريقه فشو رأيك هل ستختلف النتيجه
    او هل سأحتاج لزيادة كمية الكريمه ؟

    • هلا والله بالعافيه عليكم وكله بمجهودك وشطارتك 😊
      اتوقع فكره العظم بيكون فيها نسبه مويه اكثر
      يعني تكون رطبه ومو منشويه ومبينه نكهة الشوي
      غير كذا تطول بالفرن عن الاولى
      لان القطع سهله تنضج وتتشرب البهار اكثر
      من وجود العظم بالدجاج ،،

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s