التوابل الإيطالية ..


يختلف الكثير في مكونات البهارات او التوابل الايطالية ..

ولكن نجتمع في احتوائها على الزعتر البري او الاوريغانو ،

والريحان المجفف ..

الكثير يسأل دائما عن محتوياتها .. رغم تواجدها في مطابخنا الا ان تجميعها يجهلها الكثير منا .. ونشتريها معلبه وقليله النكهة وقد تكون مختلفه في المحتويات ومتغيره الطعم .. وهذا اكثر الاشياء التي تغير وتفرق بين طبق واخر من الاطباق الايطاليه لعدم جوده البهارات المضافه لها ..
الملح والفلفل الاسود والثوم المجفف والبصل الابيض المجفف ويفضل تنضيفهما وتجفيفهما بالمنزل .. جبنة بارميزان المبشوره (يفضل بشرها وتجفيفها بالمنزل حتى لا تكون قليله النكهة او باضافات صناعيه . اوريغانو او مايسميه البعض بالزعتر البري ( نجده دائما لدى محلات العطاره ) ، الريحان المجفف البابريكا ( الفلفل الاحمر الحار ) .. وهناك من يضيف البابريكو ( الفليفله الحمراء المجففه المطحونه الحلوه ) . ايضا يمكن اضافه اكليل الجبل ..

تطحن المقادير طحن خشن وتخلط معا وتحفظ بالبراد حتى لا تفقد نكهتها .
مع مراعاه جفاف المقادير و غطاء محكم ضد الرطوبه .

14 thoughts on “التوابل الإيطالية ..

  1. السلام عليكم
    كيف حالك ليلى ؟
    يطول جديدك ما ينزل
    بالنسبه للبهارات الايطاليه اللي عندي (فرشلي) غير مطحونه ابدا وهذا شيء يضايقني في الاكل
    غير كذا طعمها استغفر الله
    لكن طريقتك شكلها روعه اكيد بما ان فيها بارميزان
    طيب السؤال مع ايش نحطها؟يعني انا شاريتها من حوالي سنه ولالقيت شي اقدر اضيفها معه هههههههه

    • وعليكم السلام

      الحمد لله بتمام الصحه والعافيه
      والله النت متعبني هاليومين كل اليوم وانا اضيف واعدل بتدوينه وحده .. 🙂 تحمليني شويه معليش

      بالنسبه للبهارات انصحك لا تشترين ابدا اي نوع من البهارات المعلبه
      والله اتذكر ايام جدتي كانت تشتري البهارات وتعرف الانواع الاجود ومن اي بلد تجي وموسم حصادها وتصديرها لنا يعني انحن اللحين يحول عليها حولين عشان تجينا وبلا نكهه للاسف
      لذلك اشتري من العطار اللي تحتاجين بعد ماتشمين وتقيسين قوه النكهه ..
      والسؤال عن الافضل وبكذا راح تتعلين وماتحتاجين احد ينصحك حتى

      السؤال مع ايش هذا شي كبير والله

      يعني من اقل الاشياء صرت اضيفها مع السلطه والبيتزا بعد ما احط الخضار عليها وعلى الصلصة قبل الخضار .. اكثر الاطباق الايطاليه نستخدم عليها هالبهارات
      من الباستا وانواعها لليخنات و البتزا بكل انواعها تفرق النكهه وراح تدعيلي 🙂

      وان شالله الاطباق الجايه اكيد راح استخدمها كثير ولذلك طرحتها

      • اريد بهارات عشان رمضان غغغغغغير المعروفات عندي ارجوالرد جزاك اللة الف خير

  2. السلام عليكم
    كيفك ليلى
    هل اضافة النعناع او الحبق المجفف ياثر في الطعم ؟
    وبرضو الدوش المجفف وش رايك فيه
    انا ابغاها بنفس الطعم الايطالي
    وجزاك الله خيييييير

    • وعليكم السلام ورحمة الله

      الحمد لله بنعمه وخير

      النعناع مو من اضافات البهارات الايطاليه ابدا ولا الحبق اللي نعرف المجفف لانه بالنهايه بيطلع نكهة فقس 🙂

      الدوش << مااعرفه والله يمكن له اسم ثاني ؟!!

      الطعم الايطالي بيظهر لك اكثر اذا جبتي الريجان ابو ورقه عريضه
      ومثل مانصحنا توب شيف احسن حل نزرعه لانه مثل النعناع بسرعه ينبت وبسرعه بنتشر .. بس بالطعم موب نفس النكهه

      وياك اختي وحياك دوم

  3. ماشاء الله مدونه جميله
    وتدوينه اجمل ، تمنيت انك تكلمتي اكثر عن التوابل الايطاليه وكل واحد مع صورته قبل وبعد التجفيف،
    طيب انتي تجففينها او تشترينها جافه مثل البصل والثوم وغيرها؟ والريحان كيف زراعته والبرميزان ايش افضل نوع موجود بالسوق ورائحته زينه وانتي تشرينها قطع وتبشرينها وتجففينها ؟

    • اهلين اختي
      اعتقد اضافتي والمعلومات وافيه اللي اضفت
      وبالنسبه للزعتر البري اشتريه مجفف من العطاره وانضفه واضيفه ، وزراعه الريحان مثل النعناع سريع الزراعه والانتشار ، بذوره موجوده وبوفره بمحلات البذور والمشاتل باسم Cilantor
      بالنسبه للبارميزان الافضل تشترينه من الوزن بالسوبر ماركت وقبل لا تشترينه شمي ريحته قويه ولا لا اذا قويه راح يكون اقدم وافضل بالطعم بكثيير لان اللي نكهته خفيفه بعد التجفيف تختفي تماما النكهه ..
      ابشري الجبن واتركيه بطبق وسيع يمكن يوم وليله بسرعه يجف لانه قاسي نوعا ما واستخدميه بالتوابل ،
      بالنسبه للبصل اشتريه مجفف وبالعطاره متوفر بسعر رخيييص ورائع مع الطبخ بصفه عامه ،
      اما الثوم اشترية طازج واقطعه بالمحضره الطعام قطع صغيره جدا واتركيه يجف بمكان مفتوح بعيد عن النور حتى يحتفظ اكثر بالنكهه ، ويطول فتره تجفيفه ، وبعدها استخدميه ممكن بنفس الحجم وممكن ينطحن انعم شوي و يستخدم ،

      ان شالله اكون افدتك ،، وحياك دائما

  4. الله يعطيك العافية ليلى .. مشكورة على المدونة الحلوة والمفيدة ..
    حبيت أسأل عن ( الريحان ) بجد محيرني ..
    هل الريحان هو نفسه الي نسميه (المشموم) .. شوفي شكل الي عندنا .. هل هو ؟

    أنا عارفه أنة يختلف عن الي عندك .. بس طول عمرنا نشوف الشكل هذا الي في الصورة ..
    وإذا ممكن تورينا صور الريحان المجفف عشان أعرفه بس آخذه مجفف من عند العطار

    • اهلين عزيزتي ،، لا الريحان هذا نوع من زهور الزينه
      وفعلا ريحته قويه وتشم المريض او المجروح من اسمه

      لكن الريحان هذا افضل طريقه له اشتري بذوره من محلات بيع زهور الزينه والمشاتل وبسرعه ينبت زي النعناع وينتشر بعد بسرعه ،، لاحظي ورقته لامعه عريضه ، ابحثي بقوقل بكلمه Basil وراح تعرفينه

      والافضل انتي جففيه افضل للنكهه

      🙂

  5. مشكوره ليلى مره استفدت كثير بس بستفسر عن بذور Cilantor الاسم يعني كزبره اخاف ازرعها وتطلع كزبره؟ لاني ناويه ازرع الريحان افيدني الله يوفقك

    • عزيزتي اسمها ريحان
      وتعرفينها بشكل الورقه اللامع العريض
      وفيها ريحه خفيفه مو زي الريحان القويه اللي يشم ولا فيه زهور كبيره زهوره زي النعناع اذا زهر
      ان شالله تعرفينه
      ودايم متوفر عند المشاتل وعند السوبرماركت مثل الدانوب كشتل صغيره تزرعينها بمطبخك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s